ΟΠΑΔΙΚΑ
Σον Παρχάρ με της ΑΕΚ τη φανέλα ο Τεμόν ΑΕΚ (vid+pics)
Ακούτε κεμεντζές λαλίαν ας σοι Πλατάνων το παρχάρ.
Ακούτε κεμεντζές λαλίαν ας σοι Πλατάνων το παρχάρ και τερέστεν πώς χορεύ’νε.
«Ανάθεμα τον παρχάρ τ’ υψηλά τα ράςςια, πίνεις τα νερά κρύα, σύρεις τη μαναςςία σ’», λέει τ’εμέτερον τραγωδία. Αέτς ενούντσεν ο Τεμόν ΑΕΚ το Σάββατο και εδέβεν για παρχάρεμαν. Ο Γιωρικόν Ζαχαριάδης, έφυεν ας σου Κουστουλάντων και εξέβεν με τοι φιλτς ατ’ εντάμα ‘ς σο Duzkoy, χωρίο των Πλατάνων.
Το χωρίον με την αραπάν, 30 λεπτά εξ’ απ’τα Πλάτανα εν’. Ο Ενωσίτες υπεραθλετές, είδε τεμετέρτς, έκ’σεν κεμεντζές λαλίαν και η καρδίαν ατ’ εχάρεν . Εκειαπάν τρανόν πανοΐρ εγέντον. 2 ςςσιλιάδες νωμάτ’ ενήβαν το ραςςιν για ν’ εφτάνε παρχάρεμαν.
Το AEK LIVE εκαλάτζεψεν ‘ς σο τελέφωνον με τον Γιωρικον. Ας σο πανοΐρ και ύστερα εγέντον έναν κρυφό μουχαπέτ’. Αμόν ντ’ έγγεψεν εμάς, ‘ς σ’ αούτον το μουχαπέτ, πολλοί τ’εμετέρ’ ετραγώδεσαν, ο μουχτάρ πα τη χωρί… Αέτς εφτάνε ‘ς σην Πατρίδαν. Ολ’άτουν τραγωδούν με την ψύν’ατούν.
Ακούτε ντο είπεν ο Γιωρίκον:
Ατώρα τερέστεν ατείντζ, πώς χορεύνε ‘ς σον παρχάρ κιαν:
Τερέστεν άλλα φωτογραφίας: